ADOPCIÓN URXENTE, COMPARTE E DIFUNDE!
SILVO: Silvo apareceu abandonado en xullo do 2012 nas cercanias do refuxio cando apenas tiña 4 meses. Cando entrou no refuxio estaba nos osos e tardou meses en recuperarse. Medio ano despois Silvo sigue no refuxio, está a pasar a súa infancia dentro dun canil porque ten medo a saír o patio exterior. Cando chegou era un cachorro moi alegre, sempre estaba xogando e perseguindo ós voluntari@s para pedir mimos, pero foron pasando os meses e algúns dos cans comezaron a acosalo e agora vive aterrado nun canil interior.
O martes Silvo foi a esterilizar e facía moito tempo que non o víamos tan feliz, ía pola rúa saudando a todo o mundo e pedindo mimos. Non deixedes que Silvo pase a súa vida nun refuxio, merece un fogar. En todo este tempo aínda ninguén preguntou por el, é un canciño que ten enognatismo (a mandibula inferior é máis curta ca superior), pero non lle impide facer vida normal. ADOPCIÓN URXENTE, UNHA OPORTUNIDADE PARA ESTE CACHORRIÑO LOITADOR CHEO DE TERNURA!
protectoraosbiosbardos@gmail.com
No hay comentarios:
Publicar un comentario