Pontevedra. Presentación del Calendario de Os Palleiros y su mensaje de Navidad.

copio

"Bo Nadal.

Un ano máis, a Asociación de Acollida e Adopción de Cans "Os Palleiros" publica este calendario que xa se converteu nunha tradición destas datas. Queremos dedicalo a Rosa, a Iván e a Santi, coidadores do refuxio.

En primeiro lu...gar agradecémosche o teu apoio á nosa organización que traballa día a día para darlle unha segunda oportunidade aos cans que foron abandonados á súa sorte nas rúas da nosa cidade.

En segundo lugar, queremos pedir a túa comprensión e explicar que por primeira vez, isto non é un agasallo senón unha reivindicación. Nunca quixemos ter que publicar un calendario deste tipo e menos nunha data tan especial como é o Nadal, sen embargo a indiferenza do Concello de Pontevedra coa nosa organización (que cumpre un papel social fundamental, recollendo aos cans das rúas) obrigounos a facer unha chamada de atención.

É obriga dos Concellos manter o control dos animais abandonados e o de Pontevedra leva 6 anos eludindo a súa responsabilidade. Por sexto ano, os cans que acolle a Asociación (170) triplican a capacidade das nosas instalacións.

Como cidadáns, estamos realmente contentos coa actuación do Concello en todos os ámbitos. Ano tras ano estamos a lograr unha cidade máis exemplar e habitable da que estarmos orgullosos, sen embargo aínda queda un tema pendente.

Para pedir ao Concello un pouco de atención, impulsamos dende este calendario, o "Proxecto Canbook", a través do cal, os nosos cans están a denunciar as condicións nas que se atopan.

Participa ti tamén, dinos o que pensas, denuncia a irresponsabilidade de quen abandona cans e a indiferenza da nosa sociedade. Participa e pide ao Concello de Pontevedra que se lembre dos Palleiros estas festas de Nadal.

MOI BO NADAL (e graciñas)"